ஐவரிகோஸ்ட் கால்பந்தாட்ட வீரர் கைது

பரிஸில் இடம்பெற்ற சம்பவமொன்றில் பங்கெடுத்தமையையடுத்து ஐவரிகோஸ்ட் சர்வதேச அணியின் வீரரான சேரிஜ் ஓரியே திங்கட்கிழமை (30) கைது செய்யப்பட்டுள்ளதுடன் பொலிஸ் காவலில் வைக்கப்பட்டுள்ளார்.

சம்ப் எலைய்ஸஸ் பகுதியிலிலுள்ள இரவு விடுதியொன்றிலிருந்து திங்கட்கிழமை (30) அதிகாலை வெளியேறியபோதே மேற்கூறப்பட்ட சம்பவம் இடம்பெற்றதாகவும், பொலிஸாருடன் ஒரியே வாக்குவாதப்பட்டதாகவும் கூறப்பட்டுள்ளது.

23 வயதான மேற்படி நபர் பிரெஞ்சுக் கால்பந்தாட்டக் கழகமான பரிஸ் செய்ண்ட் ஜெர்மைன் அணிக்காகவும் விளையாடுகின்ற நிலையில், எந்தவொரு கருத்தையும் வெளியிடுவதற்கு முதல் மேலதிக தகவல்களுக்காக காத்திருப்பதாக பரிஸ் செய்ண்ட் ஜெர்மைன் கழகத்தின் அதிகாரிகள் தெரிவித்துள்ளனர்.

பெப்ரவரி மாதத்தில், சமூக வலைத்தளமான பெரிஸ்கோப்பில் வெளியிட்ட காணொளியொன்றில் சக பரிஸ் செய்ண்ட் ஜெர்மைன் அணி வீரர்களான ஸல்டான் இப்ராஹிமோவிக்கையும் அஞ்செல் டி மரியாவை அவமானப்படுத்தியமைக்காக அவ்வணியின் பயிற்சியாளர் லோரண்ட் பிளாங்கால் குறிப்பிட்ட காலத்துக்கு இடைநிறுத்தப்பட்டமை குறிப்பிடத்தக்கது.