ஒஸ்திரிய குரான் பிறீ: வென்றார் நொரிஸ்

ஒஸ்திரிய குரான் பிறீயில் மக்லரென் அணியின் லான்டோ நொரிஸ் வென்றார்.

ஞாயிற்றுக்கிழமை (29) நடைபெற்ற பந்தயத்தை முதலாமிடத்திலிருந்து ஆரம்பித்த பிரித்தானியாவின் நொரிஸ் வென்ற நிலையில், பந்தயத்தை மூன்றாமிடத்திலிருந்து ஆரம்பித்த அவரின் சக மக்லரென் ஓட்டுநரான ஒஸ்கார் பியாஸ்திரி இரண்டாமிடத்தைப் பெற்றதோடு, பந்தயத்தை இரண்டாமிடத்திலிருந்து ஆரம்பித்த பெராரி அணியின் சார்ள்ஸ் லெக்கலெர்க் மூன்றாமிடத்தைப் பெற்றார்.

இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் அவுஸ்திரேலியாவின் பியாஸ்திரி 216 புள்ளிகளுடன் முதலாமிடத்தில் காணப்படுகின்றார். 201 புள்ளிகளுடன் இரண்டாமிடத்தில் நொரிஸ் காணப்படுவதோடு, 155 புள்ளிகளோடு நடப்பு போர்மியுலா வண் சம்பியனான மக்ஸ் வெர்ஸ்டப்பன் மூன்றாமிடத்தில் காணப்படுகின்றார்.