ஓய்வு பெறும் கிறிஸ்டினாடோ ரொனால்டோ?

ஓய்வு நடைபெற வேண்டுமானால் அது ஒன்று அல்லது இரண்டு ஆண்டுகளுக்குள் நடைபெற வேண்டுமென போர்த்துக்கல்லின் அணித்தலைவர் கிறிஸ்டியானோ ரொனால்டோ தெரிவித்துள்ளார்.

ஐரோப்பிய கால்பந்தாட்டச் சங்கங்களின் ஒன்றியத்தின் தேசங்களுக்கான லீக் தொடரில் போலந்தை 5-1 என்ற கோல் கணக்கில் சனிக்கிழமை (16) போர்த்துக்கல் வென்று காலிறுதிப் போட்டிக்கு தகுதி பெற்ற பின்னரே இக்கருத்தை ரொனால்டோ வெளிப்படுத்தியுள்ளார்.

இப்போட்டியில் 2 கோல்களைப் பெற்ற ரொனால்டோ தனது 132ஆவது வெற்றியை போர்த்துக்கல்லுக்காக பெற்ற நிலையில், ஸ்பெய்னுக்காக 131 போட்டிகளில் வென்ற சேர்ஜியோ றாமோஸின் அதிக சர்வதேசப் போட்டிகளில் வென்ற சாதனையை முறியடித்திருந்தார்.