கட்டார் குரான் பிறீ: வென்ற வெர்ஸ்டப்பன்

கட்டார் குரான் பிறீயானது நேற்று முன்தினம் நடைபெற்ற நிலையில், மூன்றாவது ஆண்டாக தொடர்ச்சியாக தான் சம்பியனாவதை கடந்த சனிக்கிழமை உறுதிப்படுத்திய றெட் புல் அணியின் மக்ஸ் வெர்ஸ்டப்பன் வென்றார்.

பந்தயத்தை ஆறாமிடத்திலிருந்து ஆரம்பித்த மக்லரன் அணியின் ஒஸ்கார் பியாஸ்ரி இரண்டாமிடத்தைப் பெற்றதுடன், பந்தயத்தை 10ஆம் இடத்திலிருந்து ஆரம்பித்த அவரின் சக மக்லரன் அணி வீரரான லான்டோ நொரிஸ் மூன்றாமிடத்தைப் பெற்றார்.

இந்நிலையில் சம்பியன்ஷிப் புள்ளிகள் பட்டியலில் நெதர்லாந்தின் வெர்ஸ்டப்பன் 433 புள்ளிகளைப் பெற்றுள்ள நிலையில், இரண்டாமிடத்தில் அவரின் சக றெட் புல் அணி வீரரான சேர்ஜியோ பெரேஸ் 224 புள்ளிகளுடன் காணப்படுகின்றார். மூன்றாமிடத்தில் 194 புள்ளிகளுடன் மெர்சிடீஸ் அணியின் லூயிஸ் ஹமில்டன் காணப்படுகிறார்.