கிரிக்கெட் ஆலோசனைக் குழுவில் ஹத்துருசிங்க

இலங்கையின் விளையாட்டுத்துறை அமைச்சரின் அறிவுறுத்தல்களின் அடிப்படையில் இலங்கை கிரிக்கெட் சபையால் அமைக்கப்பட்டுள்ள கிரிக்கெட் ஆலோசனைக் குழுவில், இலங்கை கிரிக்கெட் அணியின் தலைமைப் பயிற்றுவிப்பாளர் சந்திக ஹத்துருசிங்க இடம்பெற்றுள்ளார்.

ஹத்துருசிங்க தவிர, ஏழு பேர் கொண்ட குறித்த குழுவில், இலங்கை கிரிக்கெட் சபையின் பிரதம நிறைவேற்றதிகாரி அஷ்லி டி சில்வா, இலங்கை கிரிக்கெட் அணியின் தலைமைத் தேர்வாலர் கிரேமி லப்ரோய், இலங்கை கிரிக்கெட் சபையின் கிரிக்கெட் விவகாரங்களுக்கான பிரதம அதிகாரி அசங்க குருசிங்க, இலங்கை கிரிக்கெட் சபையின் பிரதம செயற்பாட்டு அதிகாரி ஜெரோம் ஜெயரத்ன, எஸ்.எஸ்.சி கழகத்தின் மைக்கல் டி சொய்ஸா, கென் டி அல்விஸ் உள்ளிட்டோரும் இடம்பெற்றுள்ளனர்.