கைகரியிடம் தோற்ற ஜுவென்டஸ்

இத்தாலிய சீரி ஏ தொடரில், கைகரியின் மைதானத்தில் இன்று நடைபெற்ற அவ்வணியுடனான போட்டியில் 0-1 என்ற கோல் கணக்கில் ஜுவென்டஸ் தோற்றது.

கைகரி சார்பாகப் பெறப்பட்ட கோலை லூகா மஸிடெல்லி பெற்றிருந்தார்.

சீரி ஏ புள்ளிகள் பட்டியலில் 49 புள்ளிகளுடன் முதலாமிடத்தில் இன்டர் மிலன் காணப்படுகின்றது. தலா 43 புள்ளிகளுடன் காணப்படுகின்றபோதும் இரண்டாமிடத்தில் ஏ.சி மிலனும், மூன்றாமிடத்தில் நடப்புச் சம்பியன்கள் நாப்போலியும் அவற்றுக்கிடையேயான முடிவுகள் காரணமாக காணப்படுகின்றன. இதே போன்றே ஜுவென்டஸும், றோமாவும் தலா 39 புள்ளிகளைப் பெற்றுள்ளபோதும் நான்காம், ஐந்தாமிடங்களில் காணப்படுகின்றன. இதில் ஏ.சி மிலனும், றோமாவும் ஒரு போட்டி குறைவாக விளையாடியுள்ளன.