சாதனை படைத்தார் ஹஷிம் அம்லா

தென்னாபிரிக்க அணியின் ஆரம்பத் துடுப்பாட்ட வீரர் ஹஷிம் அம்லா , ஒருநாள் சர்வதேசப் போட்டிகளில் விரைவாக 6,000 ஓட்டங்களைக் கடந்தவர் என்ற சாதனையைப் படைத்துள்ளார்.

இந்திய அணிக்கெதிரான இன்றைய போட்டியில் 15 ஓட்டங்களைக் கடந்த போதே, அவர் இச்சாதனையைப் புரிந்தார்.

தனது 123ஆவது இனிங்ஸில் 6,000 ஓட்டங்களைக் கடந்த அவர், 136 இனிங்ஸ்களில் கடந்து இதற்கு முன்னைய சாதனையைக் கொண்டிருந்த விராத் கோலியின் சாதனையையே முறியடித்தார்.

இதற்கு முன்னர், 5,000 ஓட்டங்கள், 4,000 ஓட்டங்கள், 3,000 ஓட்டங்கள், 2,000 ஓட்டங்கள் ஆகியவற்றையும் அம்லாவே விரைவாகக் கடந்திருந்தார்.

இன்றைய போட்டியில் அம்லா, 26 ஓட்டங்களுடன் ஆட்டமிழந்திருந்தமை குறிப்பிடத்தக்கது.