சமநிலையில் டொட்டென்ஹாம் – நியூகாசில்

தென்கொரியாவில் ஞாயிற்றுக்கிழமை (04) நடைபெற்ற இங்கிலாந்து பிறீமியர் லீக் கால்பந்தாட்டக் கழகங்களான டொட்டென்ஹாம் ஹொட்ஸ்பர், நியூகாசில் யுனைட்டெட்டுக்கிடையிலான சிநேகபூர்வ போட்டியானது 1-1 என்ற கோல் கணக்கில் சமநிலையில் முடிவடைந்தது.

டொட்டென்ஹாம் சார்பாகப் பெறப்பட்ட கோலை பிரென்னன் ஜோன்சன் பெற்றதுடன், நியூகாசில் சார்பாகப் பெறப்பட்ட கோலை ஹார்வி பார்ன்ஸ் பெற்றிருந்தார்.

இதேவேளை போர்த்துக்கல் கழகமான போர்ட்டோவின் மைதானத்தில் நடைபெற்ற அவ்வணியுடனான போட்டியில் 0-1 என்ற கோல் கணக்கில் ஸ்பானிய லா லிகா கழகமான அத்லெட்டிகோ மட்ரிட் தோல்வியடைந்திருந்தது.

இந்நிலையில் ஐக்கிய அமெரிக்காவில் திங்கட்கிழமை (04) நடைபெற்ற பிறீமியர் லீக் கழகங்களான மன்செஸ்டர் யுனைட்டெட், எவெர்ற்றனுக்கிடையிலான போட்டியானது 2-2 என்ற கோல் கணக்கில் சமநிலையில் முடிவடைந்திருந்தது.