சமநிலையில் பெல்ஜியம் – வேல்ஸ் போட்டி

கட்டாரில் அடுத்தாண்டு நடைபெறவுள்ள சர்வதேச கால்பந்தாட்டச் சம்மேளன உலகக் கிண்ணத் தொடரில், ஐரோப்பிய கால்பந்தாட்டச் சங்கங்களின் ஒன்றிய தகுதிகாண் போட்டிகளில், வேல்ஸில் இன்று அதிகாலை நடைபெற்ற அவ்வணிக்கும், பெல்ஜியத்துக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

பெல்ஜியம் சார்பாகப் பெறப்பட்ட கோலை கெவின் டி ப்ரூனே பெற்றதோடு, வேல்ஸ் சார்பாகப் பெறப்பட்ட கோலை கைஃபர் மூர் பெற்றிருந்தார்.

இதேவேளை, நெதர்லாந்தில் நடைபெற்ற நோர்வேயுடனான போட்டியில் 2-0 என்ற கோல் கணக்கில் வென்ற நெதர்லாந்து, உலகக் கிண்ணத் தொடருக்கு தகுதி பெற்றது. நெதர்லாந்து சார்பாக, ஸ்டீவன் பெர்ஜ்விஜ்ன், மெம்பிஸ் டிபே ஆகியோர் தலா ஒவ்வொரு கோலைப் பெற்றனர்.