சமநிலையில் மட்ரிட் – செவில்லா போட்டி

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், நடப்புச் சம்பியன்களான றியல் மட்ரிட்டின் பயிற்சி மைதானத்தில் இன்று அதிகாலை நடைபெற்ற அவ்வணிக்கும், செவில்லாவுக்குமிடையிலான போட்டியானது 2-2 என்ற கோல் கணக்கில் சமநிலையில் முடிவடைந்தது.

மட்ரிட் சார்பாக, மார்கோ அஸென்ஸியோ, ஈடன் ஹஸார்ட் ஆகியோர் தலா ஒவ்வொரு கோலைப் பெற்றனர். செவில்லா சார்பாக, பெர்ணான்டோ, இவான் றகிட்டிச் ஆகியோர் தலா ஒவ்வொரு கோலைப் பெற்றனர்.

அந்தவகையில், லா லிகா புள்ளிகள் தரவரிசையில் 77 புள்ளிகளுடன் முதலாமிடத்தில் அத்லெட்டிகோ மட்ரிட் காணப்படுகின்றது. நடப்புச் சம்பியன்களான றியல் மட்ரிட்டும், பார்சிலோனாவும் தலா 75 புள்ளிகளைப் பெற்றுள்ளபோதும், இரண்டு அணிகளுக்குமிடையிலான போட்டிகளில் மேம்பட்ட முடிவு காரணமாக றியல் மட்ரிட் இரண்டாமிடத்திலும், பார்சிலோனா மூன்றாமிடத்திலும் காணப்படுகின்றன. 71 புள்ளிகளுடன் நான்காமிடத்தில் செவில்லா காணப்படுகின்றது.