சமநிலையில் மட்ரிட் – பெட்டிஸ் போட்டி

ஸ்பானியக் கால்பந்தாட்டக் கழகங்களுக்கிடையிலான லா லிகா தொடரில், றியல் பெட்டிஸின் மைதானத்தில் நேற்று அதிகாலை நடைபெற்ற அவ்வணியுடனான போட்டியை 0-0 என்ற கோல் கணக்கில் நடப்புச் சம்பியன்களான றியல் மட்ரிட் சமப்படுத்தியது.

இதேவேளை, தமது மைதானத்தில் நேற்று முன்தினம் நடைபெற்ற வலென்சியாவுடனான போட்டியை 1-0 என்ற கோல் கணக்கில் பார்சிலோனா வென்றது.

லா லிகா புள்ளிகள் பட்டியலில் 62 புள்ளிகளுடன் முதலாமிடத்தில் பார்சிலோனா உள்ளது. 53 புள்ளிகளுடன் இரண்டாமிடத்தில் றியல் மட்ரிட்டும், 45 புள்ளிகளுடன் மூன்றாமிடத்தில் அத்லெட்டிகோ மட்ரிட்டும், 44 புள்ளிகளுடன் நான்காமிடத்தில் சொஸைடட்டும் உள்ளன.