சமநிலையில் மியூனிச் – கோப்பென்ஹேகன் போட்டி

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், தமது மைதானத்தில் நேற்று அதிகாலை நடைபெற்ற டென்மார்க் கழகமான கோப்பென்ஹேகனுடனான போட்டியை 0-0 என்ற கோல் கணக்கில் ஜேர்மனிய புண்டெலிஸ்கா கழகமான பயேர்ண் மியூனிச் சமப்படுத்தியது.

இதேவேளை, போர்த்துக்கல் கழகமான பென்ஃபிக்காவின் மைதானத்தில் நடைபெற்ற அவ்வணியுடனான போட்டியை 3-3 என்ற கோல் கணக்கில் இத்தாலிய சீரி ஏ கழகமான இன்டர் மிலன் சமப்படுத்தியது.

இந்நிலையில் தமது மைதானத்தில் நடைபெற்ற இன்னொரு சீரி ஏ கழகமான நாப்போலியுடனான போட்டியை 4-2 என்ற கோல் கணக்கில் ஸ்பானிய லா லிகா கழகமான றியல் மட்ரிட் வென்றது.

இதேவேளை துருக்கியக் கழகமான கலடசரேயின் மைதானத்தில் நடைபெற்ற அவ்வணியுடனான போட்டியை 3-3 என்ற கோல் கணக்கில் இங்கிலாந்து பிறீமியர் லீக் கழகமான மன்செஸ்டர் யுனைட்டெட் சமப்படுத்தியது.

இந்நிலையில், இன்னொரு லா லிகா கழகமான செவிய்யாவின் மைதானத்தில் நடைபெற்ற அவ்வணியுடனான போட்டியை 3-2 என்ற கோல் கணக்கில் நெதர்லாந்துக் கழகமான பி.எஸ்.வி ஐந்தோவன் வென்றது.