சமநிலையில் வலென்சியா – எல்ஷே போட்டி

ஸ்பானிய லா லிகா தொடரில், தமது மைதானத்தில் இன்று நடைபெற்ற எல்ஷேயுடனான போட்டியை 1-1 என்ற கோல் கணக்கில் வலென்சியா சமப்படுத்தியது.

வலெசியா சார்பாகப் பெறப்பட்ட கோலை பெபெலு பெற்றதோடு, எல்ஷே சார்பாகப் பெறப்பட்ட கோலை கிரடி டியங்கனா பெற்றார்.

லா லிகா புள்ளிகள் பட்டியலில் 49 புள்ளிகளுடன் முதலாமிடத்தில் நடப்புச் சம்பியன்களான பார்சிலோனா உள்ளது. 45 புள்ளிகளுடன் இரண்டாமிடத்தில் றியல் மட்ரிட்டும், 41 புள்ளிகளுடன் மூன்றாமிடத்தில் வில்லாறியலும், 38 புள்ளிகளுடன் நான்காமிடத்தில் அத்லெட்டிகோ மட்ரிட்டுமுள்ளன. இதில் ஏனைய அணிகளை விட வில்லாறியல் ஒரு போட்டி குறைவாக விளையாடியுள்ளது.