சம்பியன்ஸ் லீக்: லிவர்பூலை வீழ்த்திய றியல் மட்ரிட்

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், இங்கிலாந்து பிறீமியர் லீக் கழகமான லிவர்பூலின் மைதானத்தில் நேற்று அதிகாலை நடைபெற்ற அவ்வணி உடனான இறுதி 16 அணிகளுக்கான முதலாவது சுற்றுப் போட்டியில் 5-2 என்ற கோல் கணக்கில் நடப்புச் சம்பியன்களான றியல் மட்ரிட் வென்றது.

ஸ்பானிய லா லிகா கழகமான மட்ரிட் சார்பாக, வின்ஷியஸ் ஜூனியர், கரிம் பென்ஸீமா ஆகியோர் தலா இரண்டு கோல்களையும், ஈடர் மிலிட்டாவோ ஒரு கோலையும் பெற்றனர். லிவர்பூல் சார்பாக, டர்வின் நுனேஸ், மொஹமட் சாலா ஆகியோர் தலா ஒவ்வொரு கோலைப் பெற்றனர்.