சிம்பாப்வேயை வென்ற பங்களாதேஷ்

சிம்பாப்வேக்கெதிரான இரண்டாவது இருபதுக்கு – 20 சர்வதேசப் போட்டியில் பங்களாதேஷ் வென்றது.

மூன்று போட்டிகள் கொண்ட இத்தொடரில், ஹராரேயில் நேற்று நடைபெற்ற இப்போட்டியில் முதலில் துடுப்பெடுத்தாடிய சிம்பாப்வே, வரிசையாக மொஷாடெக் ஹொஸைனிடம் 5 விக்கெட்டுகளை இழந்து தடுமாறியது.

பின்னர் சிகண்டர் ராசாவின் 62 (53), றயான் பேர்ளின் 32 (31) ஓட்டங்களோடு 20 ஓவர்களில் 8 விக்கெட்டுகளை இழந்து 138 ஓட்டங்களை சிம்பாப்வே பெற்றது.

பதிலுக்கு, 139 ஓட்டங்களை வெற்றியிலக்காகக் கொண்டு துடுப்பெடுத்தாடிய பங்களாதேஷ், லிட்டன் தாஸின் 56 (33) ஓட்டங்களோடு 17.3 ஓவர்களில் வெற்றியிலக்கையடைந்தது.

இப்போட்டியின் நாயகனாக மொஷாடெக் ஹொஸைன் தெரிவானார்.