‘சிரேஷ்ட வீரர்களுக்கு கதவு மூடப்படவில்லை’

இலங்கையணியின் சிரேஷ்ட கிரிக்கெட் வீரர்களுக்கு கதவு இன்னும் மூடப்படவில்லை என நேற்று முன்தினம் தெரிவித்துள்ள இலங்கையணியின் தலைமைப் பயிற்றுவிப்பாளர் மிக்கி ஆர்தர், ஒருநாள் சர்வதேசப் போட்டி அணியில் மீள்வருகையொன்றை அவர்கள் புரியலாமெனக் கூறியுள்ளார்.

பங்களாதேஷுக்கெதிரான ஒருநாள் சர்வதேசப் போட்டித் தொடருக்கான குழாமில் முன்னாள் அணித்தலைவர்கள் அஞ்சலோ மத்தியூஸ், தினேஷ் சந்திமால், திமுத் கருணாரத்ன உள்ளிட்டோரை இலங்கை சேர்க்காத நிலையில், பங்களாதேஷுக்கெதிரான முதலாவது இரு தரப்பு ஒருநாள் சர்வதேசப் போட்டித் தொடர் தோல்வியை இலங்கை சந்தித்திருந்தது.

இந்நிலையில், கருத்துத் தெரிவித்த ஆர்தர், நீக்கம் என்பது கடுமையானதெனக் கூறியதுடன், சிரேஷ்ட வீரர்களில்லாமல் தாங்கள் முன் செல்லக்கூடிய வழியொன்றைப் பார்த்ததாகவும், நீக்கமெதுவில்லையென்றும், எக்காலப் பகுதியிலும் அவர்கள் மீள வரலாமெனக் குறிப்பிட்டுள்ளார்.