சீரி ஏ: வென்றது ஜுவென்டஸ்

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், டொரினோ அணியின் மைதானத்தில் இலங்கை நேரப்படி நேற்று அதிகாலை இடம்பெற்ற அவ்வணியுடனான போட்டியில், 70ஆவது நிமிடத்தில் பெனால்டி மூலம் தமது நட்சத்திர வீரர் கிறிஸ்டியானோ ரொனால்டோ பெற்ற கோலுடன் 1-0 என்ற கோல் கணக்கில் ஜுவென்டஸ் வென்றது.

இதேவேளை, தமது மைதானத்தில் நேற்று முன்தினமிரவு இடம்பெற்ற உடினீஸ் அணியுடனான போட்டியில், 76ஆவது நிமிடத்தில் தமதணித்தலைவர் மெளரோ இகார்டி பெனால்டி மூலம் பெற்ற கோலுடன் 1-0 என்ற கோல் கணக்கில் இன்டர் மிலன் வென்றது.