சுனில் நரைன் ஓய்வு

சர்வதேச கிரிக்கெட் போட்டிகளிலிருந்து மேற்கிந்தியத் தீவுகளின் சுழற்பந்துவீச்சாளரான சுனில் நரைன் ஓய்வு பெற்றுள்ளார்.

இறுதியாக கடந்த 2019ஆம் ஆண்டே மேற்கிந்தியத் தீவுகளுக்காக இருபதுக்கு – 20 சர்வதேசப் போட்டியொன்றில் விளையாடிய நரைன், 51 இருபதுக்கு – 20 சர்வதேசப் போட்டிகளில் 52 விக்கெட்டுகளை வீழ்த்தியிருந்தார்.

கடந்த 2011ஆம் ஆண்டு அறிமுகமாகி ஒருநாள் சர்வதேசப் போட்டிகளில் 65 போட்டிகளில் 92 விக்கெட்டுகளை வீழ்த்திய 36 வயதான நரைன், இறுதியாக 2016ஆம் ஆண்டே ஒருநாள் சர்வதேசப் போட்டிகளில் விளையாடியிருந்தார்.

தவிர, ஆறு டெஸ்ட் போட்டிகளில் 21 விக்கெட்டுகளை நரைன் வீழ்த்தியிருந்தார்.