சுப்பர் - 12-இல் இலங்கை

சர்வதேச கிரிக்கெட் சபையின் இருபதுக்கு - 20 உலகக் கிண்ணத் தொடரின் சுப்பர்-12 சுற்றுக்கு இலங்கை தகுதி பெற்றுள்ளது.

ஐக்கிய அரபு அமீரகத்தின் அபு தாபியில் நேற்றிரவு நடைபெற்ற அயர்லாந்துடனான குழு ஏ போட்டியில் வென்றமையைத் தொடர்ந்தே இன்னும் ஒரு போட்டி மீதமிருக்கையிலேயே சுப்பர்-12 சுற்றுக்கு இலங்கை தகுதி பெற்றுள்ளது.

ஸ்கோர் விவரம்:

நாணயச் சுழற்சி: இலங்கை

இலங்கை: 171/7 (20 ஓவ. ) (துடுப்பாட்டம்: வனிடு ஹஸரங்க 71 (47), பதும் நிஸங்க 61 (47), தசுன் ஷானக ஆ.இ 21 (11) ஓட்டங்கள். பந்துவீச்சு: ஜொஷ் லிட்டில் 4/23 [4], மார்க் அடைர் 2/35 [4], போல் ஸ்டேர்லிங்க் 1/4 [1], கிரேய்க் யங்க் 0/24 [4])

அயர்லாந்து: 101/10 (18.3 ஓவ. ) (பந்துவீச்சு: மஹேஷ் தீக்‌ஷன 3/17 [4], லஹிரு குமார 2/22 [4], சாமிக கருணாரத்ன 2/27 [3.3], வனிடு ஹஸரங்க 1/12 [4], துஷ்மந்த சமீர 1/16 [3])

போட்டியின் நாயகன்: வனிடு ஹஸரங்க

இதேவேளை, மற்றைய போட்டியில் நெதர்லாந்தை நமீபியா வென்றிருந்தது.

இந்நிலையில், ஷார்ஜாவில் நாளை பிற்பகல் 3.30 மணிக்கு நடைபெறவுள்ள போட்டியில் அயர்லாந்தும், நமீபியாவும் மோதவுள்ளதுடன், இரவு 7.30 மணிக்கு நடைபெறவுள்ள போட்டியில் நெதர்லாந்தும், இலங்கையும் மோதவுள்ளன.