சுவிற்ஸர்லாந்தை வென்று அரையிறுதியில் இங்கிலாந்து

ஐரோப்பிய கால்பந்தாட்டச் சங்கங்களின் ஒன்றியத்தின் யூரோ கிண்ணத் தொடரின் அரையிறுதிப் போட்டிக்கு இங்கிலாந்து தகுதி பெற்றது.

சுவிற்ஸர்லாந்துடனான சனிக்கிழமை (06) நடைபெற்ற காலிறுதிப் போட்டியானது வழமையான நேரத்தில் 1-1 என்ற கோல் கணக்கில் சமநிலையில் முடிவடைந்த நிலையில் பெனால்டியில் 5-3 என்ற ரீதியில் வென்றே அரையிறுதிப் போட்டிக்கு இங்கிலாந்து தகுதி பெற்றது.

இங்கிலாந்து சார்பாகப் பெறப்பட்ட கோலை புகாயோ ஸாகா பெற்றதோடு, சுவிற்ஸர்லாந்து சார்பாகப் பெறப்பட்ட கோலை பிறீல் எம்பொலோ பெற்றிருந்தார்.

பெனால்டியில் சுவிற்ஸர்லாந்தின் மனுவல் அகஞ்சியின் பெனால்டியை இங்கிலாந்தின் கோல் காப்பாளர் ஜோர்தான் பிக்ஃபோர்ட் தடுத்த நிலையில், பேபியன் ஸ்கார், ஸ்கொட்ரான் ஷக்கிரி, ஸெகி அம்டெளனி ஆகியோர் பெனால்டியை உட்செலுத்திய போதும் இங்கிலாந்தின் கோல் பல்மர், ஜூட் பெல்லிங்ஹாம், புகாயோ ஸாகா, இவான் டோனி, ட்ரென்ட் அலெக்ஸான்டர் அர்னோல்ட் பெனால்டிகளை உட்செலுத்திய நிலையில் 5-4 என்ற ரீதியில் வென்ற இங்கிலாந்து அரையிறுதிப் போட்டிக்குத் தகுதி பெற்றது.