ஜோக்கோவிச், மெட்வெடெவ் வென்றனர்

பிரித்தானியத் தலைநகர் இலண்டனில் நடைபெற்றுவரும் தொழில்முறை டென்னிஸ் வீரர்கள் சங்க இறுதிப் போட்டிகள் தொடரில், உலகின் முதல்நிலை வீரரான நொவக் ஜோக்கோவிச், நான்காம் நிலை வீரரான டனில் மெட்வெடெவ் ஆகியோர் வென்றுள்ளனர்.

உலகின் ஒன்பதாம்நிலை வீரரான ஆர்ஜென்டீனாவின் டியகோ ஸ்வார்ட்ஸ்மானுடனான போட்டியில் 6-3, 6-2 என்ற நேர் செட்களில் சேர்பியாவின் ஜோக்கோவிச் நேற்றிரவு வென்றிருந்தார்.

இதேவேளை, இன்று அதிகாலை நடைபெற்ற உலகின் ஏழாம் நிலை வீரரான ஜேர்மனியின் அலெக்ஸான்டர் ஸவ்ரேவ்வுடனான போட்டியில் 6-3, 6-4 என்ற நேர் செட்களில் ரஷ்யாவின் மெட்வெடெவ் வென்றிருந்தார்.