டி லிஜிக்கை பார்சிலோனா கைச்சாத்திடாது?

நெதர்லாந்துக் கழகமான அஜக்ஸின் இளம் பின்களவீரரான மத்தையாஸ் டி லிஜிக்கை கைச்சாத்திடுவதற்கான, இத்தாலிய சீரி ஏ கழகமான ஜுவென்டஸ், பிரெஞ்சு லீக் 1 கழகமான பரிஸ் ஸா ஜெர்மைன், ஜேர்மனிய புண்டெலிஸ்கா கழகமான பயேர்ண் மியூனிச்சுடனான போட்டியில் ஸ்பானிய லா லிகா கழகமான பார்சிலோனா பின்தங்கியுள்ளதாக நம்பப்படுகிறது.

மத்தையாஸ் டி லிஜிக்கை கைச்சாத்திடுவதற்கான விருப்பங்களை ஐரோப்பிய மிகப்பெரிய கழகங்கள் சில மீளவும் வெளிப்படுத்தியமை, மத்தையாஸ் டி லிஜிக், அவரது முகவர் மினோ றயோலாவின் நிபந்தனைகளால் பார்சிலோனா மத்தையாஸ் டி லிஜிக்கை கைச்சாத்திடும் வாய்ப்பு குறைவடைந்துள்ளதாகத் தெரிவிக்கப்படுகிறது.

ஏற்கெனவே மத்தையாஸ் டி லிஜிக்குக்கு தாங்கள் வழங்குவதாக ஏற்கனவே உறுதியளித்ததுக்கு மேலதிகமாக தாங்கள் எதையும் வழங்க முடியாது என பார்சிலோனா தெரிவித்துள்ளதாகக் கூறப்படுகிறது.

மத்தையாஸ் டி லிஜிக், மினோ றயோலாவுடன் ஒப்பந்தமொன்றை பார்சிலோனா இன்னும் ஏற்படுத்த முடியாத நிலையில், ஜுவென்டஸ், பரிஸ் ஸா ஜெர்மைன், பயேர்ண் மியூனிச் ஆகியவை மத்தையாஸ் டி லிஜிக்குடன் மீண்டும் பேரம்பேசல்களை ஆரம்பித்துள்ளன.