டி20 உலககிண்ணத்தை வென்றது இங்கிலாந்து

பாகிஸ்தானுக்கு எதிரான 20க்கு இருபது உலகக் கிண்ண இறுதிப் போட்டியில் வென்ற இங்கிலாந்து அணி , 2022ஆம் ஆண்டின் சம்பியனாகியுள்ளது.

பாகிஸ்தான் நிர்ணயித்த 138 ஓட்டங்கள் என்ற வெற்றி இலக்கை நோக்கி துடுப்பாடிய இங்கிலாந்து, 19 ஓவர் முடிவில் 5 விக்கெட்டுகளை இழந்து வெற்றி இலக்கை அடைந்தது.

துடுப்பாட்டத்தில் பென் ஸ்டோக்ஸ் 52(49), ஜோஸ் பட்லர் 26(17) ஓட்டங்களையும் பாகிஸ்தான் பந்துவீச்சில் ஹரிஸ் ரவூப் 2 விக்கெட்களை கைப்பற்றினார்.

நாணய சுழற்சியில் வெற்றி பெற்ற இங்கிலாந்து முதலில் களத்தடுப்பை தெரிவு செய்தது.

அதற்கமைய, முதலில் துடுப்பாடிய பாகிஸ்தான் நிர்ணயிக்கப்பட்ட 20 ஓவர்களில் 8 விக்கெட்டுகளை இழந்து 137 ஓட்டங்களை பெற்றது.

பாகிஸ்தான் சார்பில் ஷான் மசூட் 38(28), பாபர் அஸாம் 32(28) ஓட்டங்களையும் இங்கிலாந்து பந்து வீச்சில் சாம் கரன் 12 ஓட்டங்களுக்கு 3 விக்கெட்டுகளையும் ஆதில் ரஷிட், கிரிஷ் ஜோர்டான் ஆகியோர் தலா 2 விக்கெட்டுகளையும் கைப்பற்றினர்.

2010ஆம் ஆண்டில் கிண்ணத்தை சுவீகரித்த இங்கிலாந்து, இம்முறை இரண்டாவது முறையாக டி20 உலகக் கிண்ணத்தை வென்றுள்ளமை குறிப்பிடத்தக்கது.