டொட்டென்ஹாமை வென்று சம்பியனாகியது சிற்றி

இங்கிலாந்து கால்பந்தாட்ட லீக் கிண்ணத் தொடரில், மன்செஸ்டர் சிற்றி சம்பியனாகியது.

வெம்ப்ளியில் நேற்றிரவு நடைபெற்ற விலகல் முறையிலான இத்தொடரின் இறுதிப் போட்டியில், டொட்டென்ஹாம் ஹொட்ஸ்பர்ஸை 1-0 என்ற கோல் கணக்கில் வென்றே சிற்றி எட்டாவது தடவையாக சம்பியனாகியது.

சிற்றி சார்பாகப் பெறப்பட்ட கோலை அய்மரிக் லபோர்ட்டே பெற்றிருந்தார்.

அந்தவகையில், அதிக தடவைகள் இத்தொடரில் சம்பியனான, தொடர்ச்சியாக நான்கு தடவைகள் சம்பியனான லிவர்பூலின் சாதனையை சிற்றி சமப்படுத்தியுள்ளது.