தொங்குநிலையில் யுனைட்டெட்டின் சம்பியன்ஸ் லீக் தகுதி

இங்கிலாந்து கால்பந்தாட்டக் கழகங்களுக்கிடையே இடம்பெற்றுவரும் பிறீமியர் லீக் தொடரில், மன்செஸ்டர் யுனைட்டெட், வெஸ்ட் ஹாம் யுனைட்டெட் ஆகிய அணிகளுக்கிடையில்கடந்த செவ்வாய்க்கிழமை (10) இடம்பெற்ற போட்டியில், 2-3 என்ற கோல்கணக்கில் மன்செஸ்டர் யுனைட்டெட் தோல்வியடைந்ததுடன் அவ்வணியின் சம்பியன்ஸ் லீக்குக்கான தகுதியும் கேள்விக்குறியாகியுள்ளது.

பிறீமியர் லீக் புள்ளிகள் தரவரிசையில் முதல் நான்கு இடங்களைப் பெறும் அணிகளே சம்பியன்ஸ் லீக்குக்கு தெரிவாகும் என்ற நிலையில், மேற்படி போட்டியின் முடிவில் 63 புள்ளிகளுடன் பிறீமியர் லீக் புள்ளிகள் தரவரிசையில் ஐந்தாம் இடத்தில் காணப்படுவதுடன் 65 புள்ளிகளுடன் நான்காம் இடத்தில் மன்செஸ்டர் சிற்றி காணப்படுகிறது.

இந்நிலையில், எதிர்வரும் வாரயிறுதியில் சுவான்சீ சிற்றியுடனான போட்டியில் மன்செஸ்டர் சிற்றி தோல்வியடைந்து, பௌர்ண்மௌத்துடனான போட்டியில் மன்செஸ்டர் யுனைட்டெட் வெற்றி பெற்றாலே அவ்வணி சம்பியன்ஸ் லீக்குக்கு தகுதி பெற முடியும்.

இதேவேளை, உப்டான் பார்க் என அழைக்கப்படும் பொலேன் மைதானத்திலிருந்து 112 வருடங்களுக்கு பிறகு வெற்றியுடன் வெஸ்ட் ஹாம் யுனைட்டெட் விடைபெற்றுள்ளது.