தரவரிசையில் முதலாமிடத்துக்கு முன்னேறிய இந்தியா

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான அணிகளின் தரவரிசையில் முதலாமிடத்துக்கு இந்தியா முன்னேறியுள்ளது.

மேற்கிந்தியத் தீவுகளுக்கெதிரான மூன்று போட்டிகள் கொண்ட தொடரை 3-0 என வென்றமையைத் தொடர்ந்தே முதலாமிடத்துக்கு இந்தியா முன்னேறியுள்ளது.

இந்தியாவும், இங்கிலாந்தும் 269 என்ற ஒரேயளவான தரப்புள்ளிகளைக் கொண்டிருக்கின்றபோதும், இங்கிலாந்தின் 10, 474 புள்ளிகளை விட 10 புள்ளிகள் அதிகமாக இந்தியா கொண்டிருக்கின்றது.

முதல் 10 அணிகளின் தரவரிசை பின்வருமாறு,

1. இந்தியா, 2. இங்கிலாந்து, 3. பாகிஸ்தான், 4. நியூசிலாந்து, 5. தென்னாபிரிக்கா, 6. அவுஸ்திரேலியா, 7. மேற்கிந்தியத் தீவுகள், 8. ஆப்கானிஸ்தான், 9. இலங்கை, 10. பங்களாதேஷ்.