துடுப்பாட்டவீரர்களின் தரவரிசையில் ஆறாமிடத்தில் ராகுல்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களின் தரவரிசையில் ஆறாமிடத்துக்கு இந்தியாவின் லோகேஷ் ராகுல் முன்னேறியுள்ளார்.

மேற்கிந்தியத் தீவுகளுக்கெதிரான மூன்று போட்டிகள் கொண்ட இருபதுக்கு – 20 சர்வதேசப் போட்டித் தொடரில் 164 ஓட்டங்களைப் பெற்றதைத் தொடர்ந்தே, ஒன்பதாமிடத்திலிருந்து மூன்று இடங்கள் முன்னேறி ஆறாமிடத்தை ராகுல் அடைந்துள்ளார்.

இதேவேளை, மேற்கிந்தியத் தீவுகளுக்கெதிரான தொடரில் 183 ஓட்டங்களைப் பெற்ற இந்திய அணியின் தலைவர் விராத் கோலி, 15ஆம் இடத்திலிருந்து ஐந்து இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. ஆரோன் பின்ஞ், 3. டேவிட் மலன், 4. கொலின் மன்றோ, 5. கிளென் மக்ஸ்வெல், 6. லோகேஷ் ராகுல், 7. எவின் லூயிஸ், 8. ஹஸரத்துல்லா ஸஸாய், 9. ரோஹித் ஷர்மா, 10. விராத் கோலி.

முதல் 10 பந்துவீச்சாளர்களின் தரவரிசை பின்வருமாறு,

1. ரஷீட் கான், 2. முஜீப் உர் ரஹ்மான், 3. மிற்செல் சான்ட்னெர், 4. இமாட் வசீம், 5. அடம் ஸாம்பா, 6. அன்டிலி பெக்லுவாயோ, 7. அடில் ரஷீட், 8. ஷடாப் கான், 9. அஸ்கர் ஆப்கான், 10. கிறிஸ் ஜோர்டான்.

முதல் ஐந்து சகலதுறைவீரர்களின் தரவரிசை பின்வருமாறு,

1. மொஹமட் நபி, 2. கிளென் மக்ஸ்வெல், 3. ஷோன் வில்லியம்ஸ், 4. றிச்சி பெரிங்டன், 5. றொஹான் முஸ்தபா.