நதீர் ஷாவின் தடை நீக்கம்

பங்களாதேஷ் நடுவரான நதீர் ஷாவுக்கு விதிக்கப்பட்டிருந்த 10 வருடத் தடையை நீக்குவதற்கு, பங்களாதேஷ் கிரிக்கெட் சபை நீக்கியுள்ளது. இந்தத் தடை, 2013ஆம் ஆண்டு விதிக்கப்பட்டிருந்தது.

இந்தியத் தொலைக்காட்சியொன்றினால் வெளிப்படுத்தப்பட்ட விடயங்களின் படி, வீரர் முகாமைத்துவ நிறுவனங்கள் சிலவற்றால் முகாமைப்படுத்தப்படும் சில வீரர்களுக்குச் சாதகமான தீர்ப்புகளை வழங்குவதற்கு, நதீர் ஷா உட்பட நடுவர்கள் சிலர் சம்பந்தப்படுவதை வெளிப்படுத்தியது. இதனையடுத்து, அவருக்கெதிரான தடை விதிக்கப்பட்டிருந்தது.

அவரது தவறுக்கு அவர் வருந்தியுள்ளதாகவும் கடந்த சில வருடங்களில் அவரது நடத்தை சிறப்பாகக் காணப்பட்டதாகவும் தெரிவித்து, இந்தத் தடை நீக்கப்பட்டுள்ளதாக, பங்களாதேஷ் கிரிக்கெட் சபை தெரிவித்துள்ளது.