நோர்வூட் மைதானத்தில் சீறிப்பாய்ந்த பந்துகள்

செ.தி.பெருமாள்

மத்திய மாகாண கிரிக்கெட் சங்கத்துடன் இணைந்து நுவரெலியா மாவட்ட கிரிக்கெட் சங்கம் நடத்தும் "Speed Master - Session II" வேகப்பந்து வீச்சாளர் தெரிவுப் போட்டியின் முதலாம் நாள் நிகழ்வு, இன்று (மார்ச் 23) நோர்வூட் தொண்டமான் விளையாட்டு மைதானத்தில் மிக பிரம்மாண்டமாக நடைபெற்றது.

ஆர்வத்துடன் பங்கேற்ற 150-க்கும் மேற்பட்ட வீரர்கள்

இன்றைய முதல் நாள் அமர்வில் மாத்திரம் மலையகத்தின் பல்வேறு பகுதிகளையும் சேர்ந்த 150-க்கும் மேற்பட்ட இளம் வேகப்பந்து வீச்சாளர்கள் ஆர்வத்துடன் கலந்துகொண்டு தமது திறமைகளை வெளிப்படுத்தினர். இவர்களில் மிகச்சிறந்த திறமைகளை வெளிப்படுத்திய வீரர்கள் அடுத்த கட்டத்திற்காக அடையாளம் காணப்பட்டுள்ளனர்.

நாளை நுவரெலியா மாநகர சபை மைதானத்தில் சந்திப்போம்!

இன்று கலந்துகொள்ளத் தவறியவர்கள் அல்லது நுவரெலியா நகரப் பகுதியைச் சேர்ந்தவர்களுக்கான இரண்டாம் நாள் அமர்வு நாளை நடைபெறவுள்ளது.

• திகதி: மார்ச் 24, 2026 (செவ்வாய்க்கிழமை)
• நேரம்: காலை 9:30 மணி முதல்
• இடம்: நுவரெலியா மாநகர சபை மைதானம் (Nuwara Eliya Municipal Council Grounds)

வயதுப் பிரிவுகள்:

1.15 வயதிற்குட்பட்ட மாணவர்கள் (Junior Level)

2.19 வயதிற்குட்பட்ட மாணவர்கள் (Senior Level)

3.25 வயதிற்குட்பட்ட ஆண்கள் (Open Men's)

4.19 வயதிற்குட்பட்ட மாணவிகள் (Girls)

5.Side Arm - (Open Age)

வெற்றியாளர்களுக்குக் காத்திருக்கும் அரிய வாய்ப்பு:

இந்தத் தெரிவுப் போட்டிகளில் சிறப்பாகப் பந்துவீசித் தெரிவு செய்யப்படும் வீரர்களுக்கு, பல்லேகலை சர்வதேச கிரிக்கெட் மைதானத்தில் தங்கியிருந்து விசேட பயிற்சிகளைப் பெறுவதற்கான பொற்கால வாய்ப்பு வழங்கப்படவுள்ளது.