பரிஸ் ஸா ஜெர்மைனிலிருந்து வெளியேறும் நவாஸ்?

பிரெஞ்சு லீக் 1 கழகமான பரிஸ் ஸா ஜெர்மைனின் கோல் காப்பாளரான கெய்லர் நவாஸ், அக்கழகத்தை விட்டு வெளியேறுவார் என்று எதிர்பார்க்கப்படுகிறது.

இத்தாலிய சீரி ஏ கழகமான ஏ.சி மிலனின் கோல் காப்பாளர் ஜல்லூயிஜி டொன்னருமா பரிஸ் ஸா ஜெர்மைனில் இணைவார் என எதிர்பார்க்கப்படுகின்ற நிலையிலேயே மேற்குறித்த விடயமும் எதிர்பார்க்கப்படுகிறது.

34 வயதான நவாஸைக் கைச்சாத்திட இன்னொரு சீரி ஏ கழகமான ஜுவென்டஸ், இங்கிலாந்து பிறீமியர் லீக் கழகமான மன்செஸ்டர் யுனைட்டெட், ஏ.சி மிலன் ஆகியன ஆர்வம் காட்டுவதாகக் கூறப்படுகிறது.

இந்நிலையில், பரிஸ் ஸா ஜெர்மைனுடன் இன்னும் மூன்றாண்டு ஒப்பந்தத்தை நவாஸ் கொண்டிருக்கிறார் என்பது குறிப்பிடத்தக்கது.