பலூன் டோரை வென்ற றொட்றி

உலகின் சிறந்த கால்பந்தாட்ட வீரருக்கான விருதை இங்கிலாந்து பிறீமியர் லீக் கழகமான மன்செஸ்டர் சிற்றியின் மத்தியகளவீரரான றொட்றி செவ்வாய்க்கிழமை (29) வென்றுள்ளார்.

ஸ்பானிய லா லிகா கழகமான றியல் மட்ரிட்டின் முன்களவீரரான வின்ஷியஸ் ஜூனியர், மத்தியகளவீரரான ஜூட் பெல்லிங்ஹாமைத் தாண்டியே இவ்விருதை ஸ்பெய்னின் றொட்றி வென்றுள்ளார்.

இதேவேளை 21 வயதுக்குட்பட்ட சிறந்த வீரராக லா லிகா கழகமான பார்சிலோனாவின் முன்களவீரரான லமீன் யமால் தெரிவானார்.

இந்நிலையில் ஆண்டின் சிறந்த கழகமாக றியல் மட்ரிட் தெரிவாகியதோடு, சிறந்த முகாமையாளராக மட்ரிடின் முகாமையாளர் கார்லோ அன்சிலோட்டி தெரிவானார்.

இதேவேளை சிறந்த கோல் காப்பாளராக ஆர்ஜென்டீனாவின் எமிலியானோ மார்டினெஸ் தெரிவாகியிருந்தார்.