பார்சிலோனா செல்லும் கவானி?

இங்கிலாந்து பிறீமியர் லீக் கழகமான மன்செஸ்டர் யுனைட்டெட்டின் முன்களவீரரான எடின்சன் கவானியைக் கைச்சாத்திட ஸ்பானிய லா லிகா கால்பந்தாட்டக் கழகமான பார்சிலோனா எதிர்பார்த்துள்ளதாகத் தெரிவிக்கப்படுகிறது.

எவ்வாறெனினும், இன்னொரு யுனைட்டெட் முன்களவீரரான அந்தோனி மார்ஷியல் கழகத்தை விட்டு வெளியேறுகிறாரா என்பதில் 34 வயதான கவானியை பார்சிலோனா ஒப்பந்தம் செய்வது தங்கியுள்ளது.

ஏனெனில், அடுத்த மாதம் ஒரு முன்களவீரரை மாத்திரமே வெளியேற யுனைட்டெட் அனுமதிக்கும் எனத் தெரிகிறது.

இன்னொரு பிறீமியர் லீக் கழகமான நியூகாசில் யுனைட்டெட்டுக்கு 26 வயதான மார்ஷியல் செல்வார் என எதிர்பார்க்கப்படுகிறது.