பார்சிலோனா, றியல் மட்ரிட் வென்றன

ஸ்பானிய கால்பந்தாட்டக் கழகங்களுக்கிடையிலான லா லிகா தொடரில், நேற்று இடம்பெற்ற போட்டிகளில், பார்சிலோனா, றியல் மட்ரிட் ஆகிய அணிகள் வென்றுள்ளன.

பார்சிலோனா, 6-1 என்ற கோல் கணக்கில் ஜிரோனாவை வென்றது. பார்சிலோனா சார்பாக, லூயிஸ் சுவாரஸ் 3, லியனல் மெஸ்ஸி 2, பிலிப் கோச்சினியோ ஒரு கோலைப் பெற்றனர். ஜிரோனா சார்பாகப் பெறப்பட்ட கோலை போர்டு பெற்றிருந்தார்.

றியல் மட்ரிட், 4-0 என்ற கோல் கணக்கில் அலாவேஸை வென்றது. றியல் மட்ரிட் சார்பாக, கிறிஸ்டியானோ ரொனால்டோ 2, கரித் பேல், கரிம் பென்ஸீமா ஆகியோர் தலா ஒவ்வொரு கோலைப் பெற்றனர்.