புதிய 100 மீற்றர் சம்பியனான ஜெஃபெர்சன்-வூடன்

ஜப்பானின் டோக்கியோவில் ஞாயிற்றுக்கிழமை (14) நடைபெற்ற உலகத் தடகள சம்பியன்ஷிப்பில் ஐக்கிய அமெரிக்காவின் மெலிஸ்ஸா ஜெஃபெர்சன் வூடன் வென்று புதிய 100 மீற்றர் உலக சம்பியனாகியுள்ளார்.

போட்டித் தூரத்தை 10.61 செக்கன்களில் கடந்தே ஜெஃபெர்சன்-வூடன் முதலிடம் பெற்ற நிலையில், 10.76 செக்கன்களில் போட்டித் தூரத்தைக் கடந்து ஜமைக்காவின் தியா கிளெய்டன் இரண்டாமிடத்தைப் பெற்றதோடு, பின்தொடைதசைநார் உபாதைக்குள்ளான நடப்பு ஒலிம்பிக் சம்பியனான ஜூலியன் அல்ஃபேட் 10.84 செக்கன்களில் போட்டித் தூரத்தைக் கடந்து மூன்றாமிடத்தைப் பெற்றார்.

கடந்த சம்பியனான ஷ காரி றிச்சர்ட்சன் 10.94 செக்கன்களில் போட்டித் தூரத்தைக் கடந்து ஐந்தாமிடத்தைப் பெற்றதோடு, தனது இறுதி சம்பியன்ஷிப்பில் பங்கேற்ற 38 வயதான ஜமைக்காவின் ஷெலி-அன் பிறேஸர் பிறைஸ் போட்டித் தூரத்தை 11.03 செக்கன்களில் கடந்து ஆறாமிடத்தைப் பெற்றிருந்தார்.