புதிய ஒப்பந்தத்தைக் கைச்சாத்திட்ட றஷ்ஃபோர்ட்

இங்கிலாந்து பிறீமியர் லீக் கால்பந்தாட்டக் கழகமான மன்செஸ்டர் யுனைட்டெட்டில் எதிர்வரும் 2028ஆம் ஆண்டு வரையில் தொடரும் வகையிலான வாரமொன்றுக்கு 325,000 ஸ்டேர்லிங்க் பவுண்ஸ்களைப் பெறும் புதிய ஒப்பந்தமொன்றில் மார்க்கஸ் றஷ்ஃபோர்ட் கைச்சாத்திட்டுள்ளார்.

அடுத்த ஆண்டுடன் 25 வயதான றஷ்ஃபோர்ட்டின் முன்னைய ஒப்பந்தமானது முடிவடைய இருந்தது. கடந்த பருவகாலத்தில் 56 போட்டிகளில் 30 கோல்களை றஷ்ஃபோர்ட் பெற்றிருந்தார்.

யுனைட்டெட்டில் 2016ஆம் ஆண்டு அறிமுகம் மேற்கொண்டது முதல் 359 போட்டிகளில் 123 கோல்களை றஷ்ஃபோர்ட் பெற்றுள்ளார்.