மக்ஸ்வெல் மாயாஜாலம்

முடிவடைந்த சர்வதேச கிரிக்கெட் சபையின் 13ஆவது உலகக் கிண்ணத் தொடரில் போட்டியொன்றில் அதிகபட்சமாக அவுஸ்திரேலியாவின் கிளென் மக்ஸ்வெல் ஆட்டமிழக்காமல் 201 (128) ஓட்டங்களைப் பெற்றிருந்தார்.

ஒருநாள் சர்வதேசப் போட்டி வரலாற்றின் மிகச் சிறந்த இனிங்ஸாகக் கருதப்படும் குறித்த இனிங்ஸை ஆப்கானிஸ்தானுக்கெதிரான லீக் போட்டியில் 292 ஓட்டங்களை வெற்றியிலக்காகக் கொண்டு துடுப்பெடுத்தாடும்போது அவுஸ்திரேலியா 18.3 ஓவர்களில் 91 ஓட்டங்களுக்கு 7 விக்கெட்டுகளை இழந்த பிற்பாடே மக்ஸ்வெல் பெற்றிருந்தார்.

இதேவேளை, மக்ஸ்வெல்லுக்கு அடுத்ததாக பங்களாதேஷுக்கெதிரான லீக் போட்டியில் அவுஸ்திரேலியாவின் மிற்செல் மார்ஷ் ஆட்டமிழக்காமல் 177 (132) ஓட்டங்களைப் பெற்றிருந்ததுடன், மூன்றாமிடத்தில் குயின்டன் டி கொக்கும் பங்களாதேஷுக்கெதிரான லீக் போட்டியில் 174 (140) ஓட்டங்களைப் பெற்றிருந்தார்.