மலோர்காவிடம் தோற்ற றியல் மட்ரிட்

ஸ்பானிய கால்பந்தாட்டக் கழகங்களுக்கிடையிலான லா லிகா தொடரில், மலோக்ராவின் மைதானத்தில் நேற்று முன்தினம் நடைபெற்ற அவ்வணியுடனான போட்டியில் 0-1 என்ற கோல் கணக்கில் நடப்புச் சம்பியன்களான றியல் மட்ரிட் தோற்றது.

இதேவேளை, தமது மைதானத்தில் நேற்று அதிகாலை நடைபெற்ற செவிய்யாவுடனான போட்டியில் 3-0 என்ற கோல் கணக்கில் பார்சிலோனா வென்றது.

லா லிகா புள்ளிகள் பட்டியலில் 53 புள்ளிகளுடன் முதலாமிடத்தில் பார்சிலோனா காணப்படுகிறது. 45 புள்ளிகளுடன் இரண்டாமிடத்தில் மட்ரிட்டும், 39 புள்ளிகளுடன் மூன்றாமிடத்தில் றியல் சொஸைடட்டும், 35 புள்ளிகளுடன் நான்காமிடத்தில் அத்லெட்டிகோ மட்ரிட்டும் காணப்படுகின்றன.