முதலிடத்தில் ஹாலன்ட்

பிரிமியர் லீக் கால்பந்து போட்டிகளின் 20 ஆவது போட்டி வாரத்தில் மான்செஸ்டர் சிட்டி மற்றும் வோல்வ்ஸ் அணிகள் மோதிய போட்டியில் மான்செஸ்டர் சிட்டி இளம் நட்சத்திர வீரர் எர்லிங் ஹாலன்ட் இன் ஹாட்ரிக் கோல்களின் உதவியுடன் 3-0 என்ற கோல் கணக்கில் வெற்றி ஈட்டியுள்ளது.

மான்செஸ்டர் டார்பி இல் அடைந்த தோல்வியின் பின்னர் அடுத்தடுத்த போட்டிகளில் வெற்றியீட்டி மான்செஸ்டர் சிட்டி மீண்டும் பிரிமியர் லீக் கிண்ணத்துக்கான ஓட்டத்தில் இணைந்துள்ளது.

இப் போட்டியில் ஹாட்ரிக் கோல் சாதனையுடன் இந்த பருவ காலத்தில் 4 ஆவது ஹாட்ரிக் கோல் அடித்து மொத்தமாக 24 கோல்களுடன் எர்லிங் ஹாலன்ட் கோல் பட்டியலில் தொடர்ந்தும் முதலிடத்தில் நீடிக்கிறார்.