முதலிடம் பெற்ற இளையவராக ரஷீட்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் முதலிடத்துக்கு முன்னேறியுள்ள ஆப்கானிஸ்தானின் இளம் சுழற்பந்துவீச்சாளரான ரஷீட் கான், ஆண்களுக்கான சர்வதேச கிரிக்கெட் சபையின் எத்தரவரிசையிலும் முதலிடம் பெற்ற இளையவராக தனது பெயரைப் பதிவுசெய்து கொண்டுள்ளார். இந்த முதலிடத்தைப் பிடிக்கும்போது ரஷீட்கானின் வயது 19 வயதும் 153 நாட்களுமாகும்.

இதேவேளை, ரஷீட் கானோடு சேர்ந்து இந்திய அணியின் வேகப்பந்துவீச்சாளர் ஜஸ்பிரிட் பும்ராவும் ஒருநாள் சர்வதேசப் போட்டிகளுக்கான பந்துவீச்சாளர்களுக்கான தரவரிசையில் முதலிடத்துக்கு முன்னேறி, முதலிடத்திலிருந்த தென்னாபிரிக்காவின் சுழற்பந்துவீச்சாளர் இம்ரான் தாஹீரை ஆறாமிடத்துக்குப் பின்தள்ளியுள்ளனர்.