மூன்றாமிடத்துக்கு முன்னேறினார் வில்லியம்சன்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் மூன்றாமிடத்துக்கு நியூசிலாந்தின் அணித்தலைவர் கேன் வில்லியம்சன் முன்னேறியுள்ளார்.

இந்தியாவுக்கெதிரான முதலாவது டெஸ்டில் 89 ஓட்டங்களைப் பெற்றதைத் தொடர்ந்தே இன்று வெளியிடப்பட்ட தரவரிசையில், நான்காமிடத்திலிருந்து ஓரிடம் முன்னேறி மூன்றாமிடத்தை கேன் வில்லியம்சன் அடைந்துள்ளார்.

இதேவேளை, குறித்த டெஸ்டில் 75 ஓட்டங்களைப் பெற்ற இந்தியாவின் அஜின்கியா ரஹானே, ஒன்பதாமிடத்திலிருந்து ஓரிடம் முன்னேறி எட்டாமிடத்தைப் பிடித்துள்ளார்.

இந்நிலையில், இந்த டெஸ்டில் 92 ஓட்டங்களைப் பெற்ற இந்தியாவின் மாயங்க் அகர்வால், 12ஆம் இடத்திலிருந்து இரண்டு இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஸ்டீவ் ஸ்மித், 2. விராட் கோலி, 3. கேன் வில்லியம்சன், 4. மர்னுஸ் லபுஷைன், 5. பாபர் அஸாம், 6. டேவிட் வோணர், 7. ஜோ றூட், 8. அஜின்கியா ரஹானே, 9. செட்டேஸ்வர் புஜாரா, 10. மாயங்க் அகர்வால்.

இதேவேளை, பந்துவீச்சாளர்களின் தரவரிசையில் மேற்குறித்த டெஸ்டில் ஒன்பது விக்கெட்டுகளைக் கைப்பற்றியமையைத் தொடர்ந்து 15ஆம் இடத்திலிருந்து ஒன்பது இடங்கள் முன்னேறி ஆறாமிடத்தை நியூசிலாந்தின் டிம் செளதி அடைந்துள்ளார். 

 முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. நீல் வக்னர், 3. ஜேஸன் ஹோல்டர், 4. ககிஸோ றபாடா, 5. மிற்செல் ஸ்டார்க், 6. டிம் செளதி, 7. ஜேம்ஸ் அன்டர்சன், 8. ஜொஷ்ஹேசில்வூட், 9. இரவிச்சந்திரன் அஷ்வின், 10. கேமார் றோச்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஜேஸன் ஹோல்டர், 2. பென் ஸ்டோக்ஸ், 3. இரவீந்திர ஜடேஜா, 4. மிற்செல் ஸ்டார்க், 5. இரவிச்சந்திரன் அஷ்வின்.