மூன்றாமிடத்துக்கு முன்னேறிய ரஷீட் கான்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான பந்துவீச்சாளர்களின் தரவரிசையில் மூன்றாமிடத்துக்கு ஆப்கானிஸ்தானின் சுழற்பந்துவீச்சாளர் ரஷீட் கான் முன்னேறியுள்ளார்.

பங்களாதேஷுக்கெதிரான ஆசியக் கிண்ணப் போட்டியில் 3 விக்கெட்டுகளைக் கைப்பற்றியமையைத் தொடர்ந்தே ஐந்தாமிடத்திலிருந்து இரண்டு இடங்கள் முன்னேறி மூன்றாமிடத்தை கான் அடைந்துள்ளார்.

இதேவேளை குறித்த போட்டியில் 3 விக்கெட்டுகளையும், இலங்கைக்கெதிரான ஆசியக் கிண்ணப் போட்டியில் 2 விக்கெட்டுகளையும் கைப்பற்றிய ஆப்கானிஸ்தானின் முஜீப் உர் ரஹ்மான், 16ஆம் இடத்திலிருந்து ஏழு இடங்கள் முன்னேறி ஒன்பதாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜொஷ் ஹேசில்வூட், 2. தப்ரையாஸ் ஷம்சி, 3. ரஷீட் கான், 4. அடில் ரஷீட், 5. அடம் ஸாம்பா, 6. வனிடு ஹஸரங்க, 7. அகீல் ஹொஸைன், 8. புவ்னேஷ்வர் குமார், 9. முஜீப் உர் ரஹ்மான், 10. மிற்செல் சான்ட்னெர்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. மொஹமட் றிஸ்வான், 3. சூரியகுமார் யாதவ், 4. ஏய்டன் மார்க்ரம், 5. டேவிட் மலான், 6. ஆரோன் பின்ஞ், 7. டெவோன் கொன்வே, 8. முஹமட் வசீம், 9. பதும் நிஸங்க, 10. றீஸா ஹென்ட்றிக்ஸ்.

முதல் ஐந்து சகலதுறை வீரர்களின் தரவரிசை பின்வருமாறு,

1. மொஹமட் நபி, 2. ஷகிப் அல் ஹஸன், 3. மொயின் அலி, 4. கிளென் மக்ஸ்வெல், 5. ஹர்டிக் பாண்டியா.

இந்நிலையில், தென்னாபிரிக்காவுக்கெதிரான இரண்டாவது டெஸ்டில் 103 ஓட்டங்களைப் பெற்றதுடன், 4 விக்கெட்டுகளைக் கைப்பற்றிய இங்கிலாந்தின் அணித்தலைவர் பென் ஸ்டோக்ஸ், சகலதுறைவீரர்களுக்கான தரவரிசையில் ஐந்தாமிடத்திலிருந்து மூன்று இடங்கள் முன்னேறி இரண்டாமிடத்தை அடைந்துள்ளார்.

முதல் ஐந்து சகலதுறைவீரர்கள் பின்வருமாறு,

1. இரவீந்திர ஜடேஜா, 2. பென் ஸ்டோக்ஸ், 3. இரவிச்சந்திரன் அஷ்வின், 4. ஷகிப் அல் ஹஸன், 5. ஜேஸன் ஹோல்டர்.

இதேவேளை குறித்த டெஸ்டில் 6 விக்கெட்டுகளைக் கைப்பற்றிய இங்கிலாந்தின் ஜேம்ஸ் அன்டர்சன், ஆறாமிடத்திலிருந்து ஓரிடம் முன்னேறி ஐந்தாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. இரவிச்சந்திரன் அஷ்வின், 3. ஷகீன் ஷா அஃப்ரிடி, 4. ஜஸ்பிரிட் பும்ரா, 5. ஜேம்ஸ் அன்டர்சன், 6. ககிஸோ றபாடா, 7. கைல் ஜேமிஸன், 8. கேமார் றோச், 9. நீல் வக்னர், 10. மிற்செல் ஸ்டார்க்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. மர்னுஸ் லபுஷைன், 3. பாபர் அஸாம், 4. ஸ்டீவ் ஸ்மித், 5. றிஷப் பண்ட், 6. கேன் வில்லியம்ஸன், 7. உஸ்மான் கவாஜா, 8. திமுத் கருணாரத்ன, 9. றோஹித் ஷர்மா, 10. ஜொனி பெயார்ஸ்டோ.