மூன்றாமிடத்துக்கு முன்னேறிய ஸ்டோக்ஸ்

சர்வதேச கிரிக்கெட் சபையின் டெஸ்ட் போட்டிகளுக்கான சகலதுறைவீரர்களுக்கான தரவரிசையில் மூன்றாமிடத்துக்கு பென் ஸ்டோக்ஸ் முன்னேறியுள்ளார்.

இந்தியாவுக்கெதிரான நான்காவது டெஸ்டில் 6 விக்கெட்டுகளைக் கைப்பற்றியதோடு 141 ஓட்டங்களைப் பெற்ற நிலையிலேயே ஆறாமிடத்திலிருந்து மூன்று இடங்கள் முன்னேறி மூன்றாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மெஹிடி ஹஸன் மிராஸ், 3. பென் ஸ்டோக்ஸ், 4. வியான் முல்டர், 5. பற் கமின்ஸ்

மேற்கூறப்பட்ட போட்டியில் 54 ஓட்டங்களைப் பெற்ற இந்தியாவின் றிஷப் பண்ட் துடுப்பாட்டவீரர்களுக்கான தரவரிசையில் எட்டாமிடத்திலிருந்து ஓரிடம் முன்னேறி ஏழாமிடத்தையடைந்துள்ளார்.

இப்போட்டியில் 94 ஓட்டங்களைப் பெற்ற இங்கிலாந்தின் பென் டக்கெட், 15ஆம் இடத்திலிருந்து ஐந்து இடங்கள் முன்னேறி பத்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. கேன் வில்லியம்சன், 3. ஹரி ப்றூக், 4. ஸ்டீவ் ஸ்மித், 5. தெம்பா பவுமா, 6. கமிந்து மென்டிஸ், 7. றிஷப் பண்ட், 8. யஷஸ்வி ஜைஸ்வால், 9. ஷுப்மன் கில், 10. பென் டக்கெட்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ககிஸோ றபாடா, 3. பற் கமின்ஸ், 4. ஜொஷ் ஹேசில்வூட், 5. நொமன் அலி, 6. ஸ்கொட் போலண்ட், 7. மற் ஹென்றி, 8. நேதன் லையன், 9. மார்கோ ஜன்சன், 10. மிற்செல் ஸ்டார்க்.

இந்நிலையில் அவுஸ்திரேலியாவுக்கெதிரான இறுதி 3 இருபதுக்கு – 20 சர்வதேசப் போட்டிகளில் 45 ஓட்டங்களைப் பெற்றதோடு, 3 விக்கெட்டுகளைக் கைப்பற்றிய மேற்கிந்தியத் தீவுகளின் றொமாரியோ ஷெப்பர்ட், சகலதுறைவீரர்களுக்கான தரவரிசையில் ஆறாமிடத்திலிருந்து ஓரிடம் முன்னேறி ஐந்தாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. டிபேந்திர சிங் ஐரீ, 3. மொஹமட் நபி, 4. லியம் லிவிங்ஸ்டோன், 5. றொமரியோ ஷெப்பர்ட்.

இதேவேளை மேற்கிந்தியத் தீவுகளுக்கெதிரான் இறுதி 4 போட்டிகளிலும் 5 விக்கெட்டுகளைக் கைப்பற்றிய அவுஸ்திரேலியாவின் நாதன் எலிஸ், பந்துவீச்சாளர்களின் தரவரிசையில் 15ஆம் இடத்திலிருந்து ஏழு இடங்கள் முன்னேறி எட்டாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜேக்கப் டஃபி, 2. அடில் ரஷீட், 3. வருண் சக்கரவர்த்தி, 4. அகீல் ஹொஸைன், 5. அடம் ஸாம்பா, 6. வனிது ஹசரங்க, 7. ரவி பிஷ்னோய், 8. ரஷீட் கான், நாதன் எலிஸ், 10. அர்ஷ்டீப் சிங்.

மேற்கிந்தியத் தீவுகளுக்கெதிரான இறுதி 4 போட்டிகளில் 154 ஓட்டங்களைப் பெற்ற அவுஸ்திரேலியாவின் ஜொஸ் இங்லிஸ், 15ஆம் இடத்திலிருந்து ஆறு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. ட்ரெவிஸ் ஹெட், 3. திலக் வர்மா, 4. பில் ஸோல்ட், 5. ஜொஸ் பட்லர், 6. சூரியகுமார் யாதவ், 7. பதும் நிஸங்க, 8. டிம் செய்பேர்ட், 9. ஜொஸ் இங்லிஸ், 10. ஷே ஹோப்