யூரோ: காலிறுதியில் நெதர்லாந்து, துருக்கி

ஜேர்மனியில் நடைபெற்று வரும் ஐரோப்பிய கால்பந்தாட்டச் சங்கங்களின் ஒன்றியத்தின் யூரோ கிண்ணத் தொடரின் காலிறுதிப் போட்டிக்கு நெதர்லாந்து, துருக்கி ஆகியன தகுதி பெற்றுள்ளன.

செவ்வாய்க்கிழமை (02) நடைபெற்ற றோமானியாவுடனான இறுதி 16 அணிகளுக்கிடையிலான விலகல் முறையிலான சுற்றுப் போட்டியில் 3-0 என்ற கோல் கணக்கில் வென்றே காலிறுதிப் போட்டிக்கு நெதர்லாந்து தகுதி பெற்றது. நெதர்லாந்து சார்பாக, டொன்யெல் மலென் இரண்டு கோல்களையும், கோடி கக்போ ஒரு கோலையும் பெற்றனர்.

இதேவேளை புதன்கிழமை (03) நடைபெற்ற ஒஸ்திரியாவுடனான போட்டியில் 2-1 என்ற கோல் கணக்கில் வென்ற துருக்கி காலிறுதிப் போட்டிக்குத் தகுதி பெற்றது.