றியல் மட்ரிட், பார்சிலோனா, செவில்லா தோற்றன

ஸ்பானிய கால்பந்தாட்டக் கழகங்களுக்கு இடையிலான லா லிகா தொடரில், றியல் மட்ரிட்டின் மைதானத்தில் நேற்று இரவு நடைபெற்ற நடப்புச் சம்பியன்கள் றியல் மட்ரிட், கடிஸுக்கு இடையிலான போட்டியில் அந்தோனி லொஸானோ பெற்ற கோலால் 0-1 என்ற கோல் கணக்கில் றியல் மட்ரிட் தோல்வியடைந்தது.

இதேவேளை, கெட்டாபேயின் மைதானத்தில் இன்று அதிகாலை நடைபெற்ற பார்சிலோனா, கெட்டபேக்கிடையிலான போட்டியில் ஜேமி மாத்தா பெற்ற கோலால் 0-1 என்ற கோல் கணக்கில் பார்சிலோனா தோல்வியடைந்தது.

இந்நிலையில், கிரனெடாவில் நேற்றிரவு நடைபெற்ற செவில்லாவுக்கும், கிரனெடாவுக்குமிடையிலான போட்டியில் யங்கெல் ஹெரேரா பெற்ற கோலால் 0-1 என்ற கோல் கணக்கில் செவில்லா தோல்வியடைந்ந்தது.

இதேவேளை, செல்டா விகோவின் மைதானத்தில் நடைபெற்ற செல்டா விகோவுடனான போட்டியில் அத்லெட்டிகோ மட்ரிட் வென்றது. அத்லெட்டிகோ மட்ரிட் சார்பாக, லூயிஸ் சுவாரஸ், யனிக் கராஸ்கோ ஆகியோர் தலா ஒவ்வொரு கோலைப் பெற்றனர்.