லா லிகா தொடர்: பார்சிலோனா தோல்வி

ஸ்பானியக் கால்பந்தாட்டக் கழகங்களுக்கிடையே இடம்பெற்றுவரும் லா லிகா தொடரின் கடந்த ஞாயிற்றுக்கிழமை (17) இடம்பெற்ற போட்டியில் லியானல் மெஸ்ஸி, தனது 500ஆவது கோலைப் பெற்றிருந்தாலும் 2003ஆம் ஆண்டுக்கு பின்னர் முதற்தடவையாக லா லிகா தொடரில் பார்சிலோனா தொடர்ச்சியாக மூன்றாவது தோல்வியைத் தளுவியது.

பார்சிலோனா, வலென்சியா ஆகிய அணிகளுக்கிடையில் இடம்பெற்ற போட்டியில், 1-2 என்ற கோல்கணக்கில் பார்சிலோனா தோல்வியடைந்தது. இப்போட்டியில் தோல்வியடைந்திருந்தாலும் கோல் எண்ணிக்கையின் அடிப்படையில் லா லிகா புள்ளிகள் தரவரிசையில் 76 புள்ளிகளுடன் பார்சிலோனா முன்னிலை வகிக்கின்றது. இரண்டாமிடத்தில் அதே புள்ளிகளுடன் அத்லெட்டிகோ மட்ரிட்டும் மூன்றாமிடத்தில் 75 புள்ளிகளுடன் றியல் மட்ரிட்டும் காணப்படுகின்றது.