லா லிகா: வெற்றியுடன் ஆரம்பித்தது பார்சிலோனா

இந்த லா லிகா பருவ காலத்தை, கடந்த லா லிகா சம்பியன்களான பார்சிலோனா வெற்றியுடன் ஆரம்பித்துள்ளது. றியல் பெட்டிஸ் அணியுடனான போட்டியில் 6-2 என்ற கோல்கணக்கில் வென்றே, இந்த லா லிகா பருவகாலத்தை வெற்றியுடன் பார்சிலோனா ஆரம்பித்துள்ளது.

இப்போட்டியில், கடந்த லா லிகா பருவகாலத்தில் 40 கோல்களைப் பெற்ற லூயிஸ் சுவாரஸ் மூன்று கோல்களைப் பெற்றதுடன், நட்சத்திர வீரர் லியனல் மெஸ்ஸி இரண்டு கோல்களைப் பெற்றதுடன், அர்டா துரான் ஒரு கோலினைப் பெற்றிருந்தார்.

இதேவேளை, பார்சிலோனா அணியின் கோல்காப்பாளர் கிளாடியோ பிராவோ தொடர்பில் மன்செஸ்டர் சிற்றியுடன் பேச்சுவார்த்தைகளை ஆரம்பித்துள்ளதாக இப்போட்டியினைத் தொடர்ந்து பார்சிலோனா உறுதிப்படுத்தியிருந்தது.