லிவர்பூலைத் தோற்கடித்து யூரோப்பா லீக்கை வென்றது செவில்லா

யூரோப்பா லீக் இறுதிப் போட்டியின் இரண்டாவது பாதியில் இங்கிலாந்து கால்பந்தாட்டக் கழகமான லிவர்பூல் அதிர்ச்சி தடுமாற்றத்தை எதிர்கொள்ள, முதலாவது பாதியின் முடிவில் ஒரு கோல் பின்தங்கியிருந்த செவில்லா, சுதாகரித்துக் கொண்டு 3-1 என்ற கோல்கணக்கில் இறுதியில் வெற்றி பெற்று, மூன்றாவது பருவகாலமாக தொடர்ச்சியாக யூரோப்பா லீக்க வென்றது.

இப்போட்டியில் லிவர்பூல் சார்பாக பெறப்பட்ட கோலை டேனியல் ஸ்‌டரிட்ஜ் பெற்றதோடு, செவில்லா சார்பாக, கோகே இரண்டு கோல்களையும் கெவின் கமெய்ரோ ஒரு கோலினையும் பெற்றனர்.

எவ்வாறெனினும் ஆட்டத்தின் முதற்பாதியில், செவில்லாவின் டேனியல் ரிக்கார்டோவைத் தாண்டி செல்ல முற்பட்ட லிவர்பூலின் ரொபேர்ட்டோ பிர்மினோவை கையாண்ட போதும் லிவர்பூலுக்கு பெனால்டி வழங்கப்பட்டிருக்கவில்லை.

இதேவேளை, இறுதியாக இடம்பெற்ற 11 யூரோப்பா லீக் தொடர்களில் 5ஐ செவில்லா வென்றுள்ளமை குறிப்பிடத்தக்கது.