வெனிசுவேலாவை வீழ்த்திய பிரேஸில்

தென்னமெரிக்க நாடுகளுக்கு இடையிலான கோப்பா அமெரிக்கா தொடரில், பிரேஸிலில் இன்று காலை நடைபெற்ற அவ்வணிக்கும், வெனிசுவேலாக்கும் இடையிலான போட்டியில் 3-0 என்ற கோல் கணக்கில் பிரேஸில் வென்றது.

பிரேஸில் சார்பாக, மார்க்குய்ன்ஹாஸ், நெய்மர், கப்ரியல் பார்போஸா ஆகியோர் தலா ஒவ்வொரு கோலைப் பெற்றனர்.

இதேவேளை, ஈக்குவடோருடனான போட்டியில் 1-0 என்ற கோல் கணக்கில் கொலம்பியா வென்றது. கொலம்பியா சார்பாகப் பெறப்பட்ட கோலை எடின் கர்டோனா பெற்றிருந்தார்.