வெளியேற்றப்பட்ட ஸவ்ரேவ், பிறிட்ஸ்

கனடா பகிரங்க டென்னிஸ் தொடரிலிருந்து உலகின் மூன்றாம் நிலை வீரரான அலெக்ஸான்டர் ஸவ்ரேவ், நான்காம் நிலை வீரரான டெய்லர் பிறிட்ஸ் ஆகியோர் வெளியேற்றப்பட்டுள்ளனர்.

இன்று நடைபெற்ற தனது அரையிறுதிப் போட்டியில் ரஷ்யாவின் கரென் காஞ்சனோவ்வை எதிர்கொண்ட ஜேர்மனியின் ஸவ்ரேவ், 3-6, 6-4, 6-7 (4-6) என்ற செட் கணக்கில் தோல்வியடைந்து தொடரிலிருந்து வெளியேறினார்.

இதேவேளை தனது அரையிறுதிப் போட்டியில் ஏழாம் நிலை வீரரான பென் ஷெல்டனை எதிர்கொண்ட ஐக்கிய அமெரிக்காவின் பிறிட்ஸ், 4-6, 3-6 என்ற நேர் செட்களில் தோற்று தொடரிலிருந்து வெளியேறினார்.

இந்நிலையில் தனது அரையிறுதிப் போட்டியில் கஸக்ஸ்தானின் எலெனா றைபகினாவை 1-6, 7-5, 7-6 (7-4) என்ற செட் கணக்கில் வென்று கனடாவின் விக்டோரியா எம்போக்கோ இறுதிப் போட்டிக்குத் தகுதி பெற்றார்.

இதேவேளை டென்மார்க்கின் கிளாரா டெளசனை 6-2, 7-6 (9-7) என்ற நேர் செட்களில் வென்று இறுதிப் போட்டிக்கு ஜப்பானின் நயோமி ஒஸாகா தகுதி பெற்றுள்ளார்.