வெளியேற்றப்பட்ட ஸ்டெபனோஸ், ஹலெப்

ஐக்கிய அமெரிக்காவின் நியூ யோர்க்கில் நேற்று முன்தினம் ஆரம்பமான ஐக்கிய அமெரிக்க பகிரங்க டென்னிஸ் தொடரிலிருந்து, உலகின் ஐந்தாம் நிலை வீரரான ஸ்டெபனோஸ் சிட்டிபாஸ், ஏழாம் நிலை வீராங்கனையான சிமோனா ஹலெப் ஆகியோர் வெளியேற்றப்பட்டுள்ளனர்.

நேற்று முன்தின முதல்நாள் போட்டியொன்றில், தனது முதலாவது சுற்றுப் போட்டியில் கொலம்பியாவின் டானியல் எலஹி கலானை எதிர்கொண்ட கிரேக்கத்தின் சிட்டிபாஸ் 0-6, 1-6, 6-3, 5-7 என்ற செட் கணக்கில் தோல்வியடைந்து தொடரிலிருந்து வெளியேறினார்.

இதேவேளை, தனது முதலாவது சுற்றுப் போட்டியில் உக்ரேனின் டரியா ஸ்னிகரை எதிர்கொண்ட றோமானியாவின் சிமோனா ஹலெப் 2-6, 6-0, 4-6 என்ற செட் கணக்கில் தோல்வியடைந்து தொடரிலிருந்து வெளியேறினார்.